हामी सबैकाे संसारन्यूज

काठमाडौं । नेपालको लागि हुण्डाइको आधिकारिक बिक्रेता लक्ष्मी इन्टरकन्टिनेन्टल प्रा.लि.द्वारा चैत २५ गते थापाथलीमा रहेको हुन्डाइकोे अत्याधुनिक विद्युतीय सोरुममा मिडिया भेला सम्पन्न गरेको छ ।

सो अवसरमा डेडिकेटेड सोरुम, दिगो संचालन र विद्यतीय गाडीको पुर्जाहरुको बारेमा जानकारी गराइएको थियो । उक्त अवसरमा सोही सोरुमबाट पाटनको औद्योगिक क्षेत्रमा रहेको हुण्डाइ तालिम केन्द्रमा लगी विभिन्न प्रस्तुतीमार्फत हुण्डाइ विद्युतीय गाडीको पुर्वाधार र संचालन सम्बन्धी विभिन्न जानकारी गराइएको थियो ।

हुण्डाइले आयोजना गरेको सो कार्यक्रमको उद्देश्य हुण्डाइ विद्युतीय गाडीप्रति चाहना राख्ने र सम्भावित खरिदकताहरुकामाझ हुण्डाइ नेपालले सस्टेनेबल मोवीलीटी र विद्युतीय गाडीका क्षेत्रमा गरेको प्रतिवद्धता र पहलबारे जागरुकता सिर्जना गर्नु रहेको कम्पनीले जनाएको छ ।

सो कार्यक्रमबाट हुण्डाइले वर्षौंदेखि सिर्जना गरेको ब्राण्ड इक्विटीलाई बढाउन मद्दत गर्ने विश्वास कम्पनीले लिएको छ ।

हाल ४० वटा चार्जिङ स्टेशनहरु रहेको र यसलाई आवश्यकताअनुसार बढाउँदै लैजाने कम्पनीले जनाएको छ । साथै हुण्डाइले नेपालमा विद्युतीय गाडीको पूर्वाधार क्षेत्रमा समेत आक्रामक लगानी गर्ने योजना अगाडि बढाएको बताइन्छ ।