हामी सबैकाे संसारन्यूज

काठमाडौं । पूर्वप्रधानमन्त्री तथा हालका जनता समाजवादी पार्टीका संघीय परिषद् अध्यक्ष डा. बाबुराम भट्टराईले खोलेको नयाँ शक्ति पार्टी विघटन भएको छ ।

डा. बाबुराम भट्टराईको नेतृत्वमा २०७३ जेठ ३० गतेबाट सुरु भएको नयाँशक्ति पार्टी अन्ततः उपेन्द्र यादवको नेतृत्वमा रहेको तत्कालीन समाजवादी पार्टीसँग २०७६ बैशाखमा एकिकरण भएको थियो । सोहि पार्टी फेरि राजपासँग मिलेर जसपामा परिणत भएको थियो । हाल जनता समाजवादी पार्टीका अध्यक्ष उपेन्द्र यादव रहेका छन् भने त्यसको संघीय परिषद् अध्यक्ष डा. बाबुराम भट्टराई रहेका छन् ।

उनै बाबुराम भट्टराईले बैकल्पिक शक्तिका रुपमा रुपमा खोलेको नयाँशक्ति पार्टीमा बाबुरामसँग असन्तुष्ट रहेकाहरुले नयाँशक्तिलाई निरन्तरता दिँदै आएका थिए । असन्तुष्ट पक्षबाट रबिकिरण हमालले नयाँ शक्तिको नेतृत्व गर्दै आएपनि ‘मृत्यु भनेको पुनर्जन्म हो’ भन्दै चैत २८ गते (सोमबार) उक्त पार्टी विघटन भएको हमालले प्रेस विज्ञप्तिमार्फत् जानकारी दिएका छन् ।

‘हामीले नयाँ शक्ति विघटन गर्ने निर्णय गरेका छौं । ‘मृत्यु भनेको पुनर्जन्म हो’ । हामी अझै बढी जिम्मेवारपूर्वक, परिपक्वता र उर्जासहित राजनीतिमा उपस्थिति हुनेछौं ।’ हमालद्धारा जारी विज्ञप्तिमा भनिएको छ ।