Sansar News
लण्डन । बेलायतका प्रधानमन्त्री बोरिस जोनसनलाई प्रहरीले कारबाही गर्ने भएको छ ।
लकडाउनका बेलामा नियम उलङ्घन गरेर भोजमा सहभागी भएकोले उनलार्ई कारबाही हुने भएको प्रहरी अधिकारीहरूले जनाएका छन् ।
घटना केही समय अगाडि नै भएको भए पनि प्रहरीले मङ्गलबार मात्रै उनी दोषी भएकोले कारबाही गर्नुपर्ने निष्कर्ष निकालेको हो ।
प्रहरीले प्रधानमन्त्री बोरिससँगै एकजना कुलपति ऋषि सुनाकलाई पनि कारबाही हुने निष्कर्ष निकालिएको जनाएको छ ।
“जोनसन र सुनाकलाई आज कारबाहीसम्बन्धी सूचना पठाइएको छ, उहाँलाई जरिवाना गर्ने बारेको सूचना महानगरको प्रहरीले पठाएको हो,” एक सरकारी अधिकारीले भने ।
देशभरी कोरोनाभाइरसको महामारी फैलिएकाले लकडाउन लागू भएका बेला सन् २०२० को मे २० मा उनले नियम उलङ्घन गरेको प्रहरीको भनाइ छ ।
प्रहरीले जरिवाना तिराउनुपर्ने गल्ती गरेका प्रधानमन्त्रीले तत्काल राजीनामा दिनुपर्ने बेलायतका विपक्षी दलका नेताहरूको भनाइ छ ।
प्रमुख विपक्षी दल लेबर पार्टीका नेता केइर स्टारमरले नैतिकताका आधारमा प्रधानमन्त्री जोनसनले राजीनामा दिनुपर्ने उल्लेख गरेका छन् । प्रधानमन्त्री जोनसनले पटकपटक नियम उलङ्घन गरेको उनको आरोप छ ।सिन्ह्वा
वि.सं.२०७८ चैत ३० बुधवार ०८:०८ मा प्रकाशित
