हामी सबैकाे संसारन्यूज

काठमाडौं । नेपाली कांग्रेसकी केन्द्रीय सदस्य आरजु राणा देउवाले निर्वाचन आयोगले संविधानभित्र रहेको महिला अधिकारलाई कुल्चिएको आरोप लगाएकी छन् ।

निर्वाचन आयोगले मंगलबार स्थानीयतहको प्रमुख उपप्रमुख वा अध्यक्ष उपाध्यक्ष मध्ये कुनै एक पदमा महिलालाई प्राथमिकतामा राख्नुपर्ने तर बाध्यकारी नहुने भन्दै निर्णय सच्याएपछि त्यसको विरोध गर्दै नेतृ देउवाले आयोगलाई निर्णय तत्काल सच्याउन आग्रह गरेकी छन् ।

नेपालको संविधानको धारा ३८(४)लाई कुल्चने अधिकार निर्वाचन आयोगलाई नरहेको भन्दै प्रधानमन्त्री शेर बहादुर देउवाकी पत्नी समेत रहेकी नेतृ देउवाले भनेकी छन्–प्रमुख निर्वाचन आयुक्तज्यू र निर्वाचन आयोगका अन्य सदस्यज्यूहरुलाई नेपालको संविधानलाई उच्च सम्मान गर्दै यो निर्णय सच्याउन हुन हार्दिक अनुरोध गर्दछु ।’