हामी सबैकाे संसारन्यूज

पेरिस ।फ्रान्सको आगामी राष्ट्रपतीय निर्वाचनमा पनि वर्तमान राष्ट्रपति इम्यानुयल म्याक्रोँ नै निर्वाचित हुने दावी गरिएको छ ।

पहिलो चरणमा कसैले पनि बहुमत ल्याउन नसेकेकाले उनले दोस्रो चरणमा ५३.५ प्रतिशत मत प्राप्त गर्ने दावी गरिएको हो ।

फ्रान्सेली सञ्चार माध्यमले गरेको निर्वाचन पूर्वको सर्वेक्षणले नयाँ नेता आउने सम्भावनालाई कमजोर देखाएको छ ।

बिहीबार सार्वजनिक गरिएको नतिजा अनुसार म्याक्रोँका प्रमुख प्रतिपक्षी नेशनल ¥्याली पार्टीका नेता म्यारिन ले पेनले ४६.५ प्रतिशत मात्रै मत पाउने देखिएको छ ।

सर्वेक्षणमा सहभागीमध्ये ६३ प्रतिशतले आफूहरु मतदान गर्न जाने निश्चित भएको बताएका थिए भने १० प्रतिशतले मात्रै मतदान गर्न जाने विषयमा गम्भीरता देखाएका थिए ।

अनलाईन मार्फत् भएको सर्वेक्षणमा १८ बर्षभन्दा माथिल्लो उमेरका व्यक्तिहरुलाई सहभागी गराइएको थियो ।

फ्रान्समा गत आइतबार पहिलो चरणको राष्ट्रपतीय निर्वाचन भएको थियो । पहिलो चरणको निर्वाचनमा वर्तमान राष्ट्रपनि म्याक्रोँले सबैभन्दा धेरै २७.८४ प्रतिशत र ले पेनले २३.१५ प्रतिशत मत ल्याउनु भएको थियो । निर्वाचनमा १२ उम्मेदवारले प्रतिस्पर्धा गरेका थिए ।

सन् २०२२ मा हुनुपर्ने राष्ट्रपतीय निर्वाचन विभिन्न कारणले सरेर अहिले मात्रै भएको हो । नयाँ राष्ट्रपति चयनका लागि करिब ४८ लाख योग्य मतदाता थिए ।

कोभिड–१९ को बढ्दो सङ्क्रमणबीच फ्रान्सेली आन्तरिक मन्त्रालयले मतदान केन्द्रहरूका लागि स्वास्थ्य नियमहरू घोषणा गरेको छ । तर निर्वाचनमा कोरोनाभाइरस विरुद्धको खोप लगाएको प्रमाण वा कोभिड–१९ सङ्क्रमण परीक्षण गरेको रिपोर्ट देखाउनु पर्ने अनिवार्य व्यवस्था भने गरिएको छैन ।

मास्कको प्रयोग र सामाजिक दूरी कायम गर्ने नियम पनि मतदाताका लागि अनिवार्य नगरिएको अधिकारीहरुले जनाएका छन् । तर बुढापाका, कमजोर र कोरोनाभाइरस सङ्क्रमित व्यक्तिका लागि मास्क लगाउन भने प्रशासनले अनुरोध गरेको छ । एएनआई