Sansar News
काठमाडौं । नेत्रविक्रम चन्द ‘विप्लव’ नेतृत्वको नेकपाका नेताहरुले सत्ता गठबन्धनका नेताहरुलाई भेटेका छन् । आइतबार नेकपाका नेताहरु धमेन्द्र बाँस्तोला र हेमन्तप्रकाश ओलीले सत्ता गठबन्धनका दुई दल नेकपा (माओवादी केन्द्र) र एकीकृत समाजवादीका नेताहरुलाई भेटेका हुन् ।
नेकपा एसका अध्यक्ष माधवकुमार नेपाल निवास कोटेश्वरमा भएको भेटवार्तामा एसका अध्यक्ष नेपालसहित माओवादी अध्यक्ष पुष्पकमल दाहाल ‘प्रचण्ड’, एसका नेता बेदुराम भुसाललगायत सहभागि थिए । भेटमा नेताहरुले तीन बुँदे सहमति र बन्दी रिहाइको विषयमा कुराकानी भएको एसका नेता बेदुराम भुसालले जानकारी दिएका छन् ।
नेताहरुले चुनाव अघि नै बन्दी रिहाइको विषय ठोस पहल गरिदिन नेताहरुले आग्रह गरेकाे उनले बताए ।
विप्लव नेतृत्वको नेकपा चुनावमा सहभागि हुने वा नहुने भन्नेबारेमा विभाजित छ । चुनावको विपक्षमा उभिएका बास्तोला र ओलीले नेताहरुसँग बेग्लै भेटघाट गरिरहेका छन् । नेताहरुले गरेको भेटघाट ३ बुँदे सहमति र बन्दी रिहाइबाहेका विषयमा पनि केन्द्रीत रहेको हुनसक्ने अनुमान गरिएको छ ।
वि.सं.२०७९ वैशाख ४ आइतवार १६:४६ मा प्रकाशित
