हामी सबैकाे संसारन्यूज

काठमाडौं । नेकपा माओवादी केन्द्र निकट विद्यार्थी संगठन अनेरास्ववियू क्रान्तिकारीको केन्द्रीय समितिको पदाधिकारीको टुंगो लागेको छ ।

अधिवेशन सम्पन्न भएको सात महिनापछि पूर्णता पाएको उक्त संगठनले ४१ सदस्यीय पदाधिकारीको टुंगो लगाएको हो । जसको महासचिवमा दीपेश पुन चयन भएका छन् ।

नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’, र फ्रयाक्सन इन्चार्ज हितमान शाक्यसहितको शनिबार र आइतबार बसेको अखिल क्रान्तिकारी केन्द्रीय कमिटीको बैठकले पदाधिकारीको टुंगो लगाएको हो ।

अध्यक्ष १, उपाध्यक्ष १९, महासचिव १, सचिव १ र कोषाध्यक्ष १ जना रहेको उक्त ४१ पदाधिकारी रहेको संगठनले यसअघि नै पञ्चा सिंहको अध्यक्षतामा १९९ सदस्यीय केन्द्रीय कमिटी गरिसकेको छ ।

उक्त केन्द्रीय कमिटीको अध्यक्षमा पञ्चा सिंह, उपाध्यक्षमा इन्द्र भुसाल, मिलन एमसी, टुकमान महरा, लक्ष्मी जोशी, जिपी मैनाली, प्रविणा अधिकारी, मदन भट्टराई, सूर्यनारायण साह, पवन कार्की, क्षितिज सापकोटा, नारायण खनाल, अम्मराज शाही, मदन भुल, राजकुमार यक्सो लिम्बु, नरेश रेग्मी, गजेन्द्र देव, कल्पना मिया, अच्युत भट्ट, केशव रावल रहेका छन् भने महासचिवमा दिपेश पुन चयन भएका छन् ।
त्यस्तै सचिवहरूमा खगेन्द्र सुवेदी, प्रभाकर गुप्ता, बद्री चुडाल, कृष्ण न्यौपाने, नारायण बडाल, तुलसीमणि केसी, तिर्सना हमाल, भीम भट्ट, उपेन्द्र शाही, प्रसुन कार्की, विजयप्रकाश सापकोटा, योगेन्द्र बुढा, सञ्जय कालधन, प्रकाश घर्तीमगर, पार्वती नेगी, ताजिम अन्सारी, बाबुराम नेपाल, सुमन श्रेष्ठ, अनिल भगत चयन भएका छन् भने कोषाध्यक्षमा भुषण शाही चयन भएका छन् ।

पार्टीका अध्यक्ष प्रचण्डले पदाधिकारीको टुंगो लगाएर निर्वाचनमा होमिन दिएको निर्देशनपछि संगठनमा पदाधिकारीको टुंगो लगाइएको हो ।