हामी सबैकाे संसारन्यूज

५ वैशाख, काठमाडौँ । २०२२ को आईपिएलमा गुजरात टाइटन्सले आफ्नो पाँचौँ जित हासिल गरेको छ । गुजरातले चेन्नाई सुपर किंग्सलाई ३ विकेटले पराजित गर्दै आफ्नो छैठौँ जित हासिल गरेको हो ।

टस हारेर पहिले ब्याटिङ्ग गरेको चेन्नाईले २० ओभरमा ५ विकेट गुमाएर १६९ रन बनाएको थियो । चेन्नाईका लागि ब्याटिङ्गमा रुतुराज गायकवाडले सर्वाधिक ७३ रन बनाएका थिए भने गुजरातका लागि बलिङ्गमा अल्जारी जोसेफले सर्वाधिक २ विकेट हात पारेका थिए ।

चेन्नाईले दिएको १७० रनको लक्ष्य गुजरातले १९.५ ओभरमा ७ विकेट गुमाएर पुरा गर्यो । गुजरातका लागि ब्याटिङ्गमा डेविड मिलरले ५१ बलमा ९४ रनको विस्फोटक पारी खेलेका थिए । त्यसक्रममा उनले ६ छक्का र ८ चौका प्रहार गरेका थिए । त्यसैगरी यस खेलमा गुजरातका लागि कप्तनी गरेका रासिद खानले पनि २१ बलमा ४० रनको उत्कृष्ट पारी खेलेका थिए । चेन्नाईका लागि बलिङ्ग तर्फ डुवेन ब्राभोले सर्वाधिक ३ विकेट हात पारेका थिए ।

जितसँगै गुजरात टाइटन्स ६ खेलबाट १० अकं जोड्दैँ अकं तालिकाको शिर्ष स्थानमा उक्लिएको छ ।