Sansar News
हातेमालो चोक, पर्वत । गण्डकी प्रदेश पर्वत जिल्लाको पैञ्यू गाउँपालिकामा नेकपा एमालेले उम्मेदवारको टुंगो लगाएको छ ।
नेकपा एमाले पैयूँका अनुसार सो पार्टीले गाउँपालिकाको अध्यक्षमा महेन्द्र कुमार श्रेष्ठ र उपाध्यक्षमा याम कुमारी रानालाई उम्मेदवार सिफारिस गरेको छ ।
सो पार्टीका अुनसार वडा नं १ टकलाकमा प्रेम राना, वडा नं २ त्रिवेणीमा नरभुपाल काफ्ले, वडा नं ३ वेउलीवासमा चन्द्र बहादुर थापा, वडा नं ४ हुवासमा टुकलाल न्यौपाने, वडा नं ५ चिसापानीमा निर्भिक नारायण भुर्तेल, वडा नं ६ सरौंखोलामा गंगा अधिकारी र वडा नं ७ भोर्लेमा गंगा बहादुर गुरुङ वडा अध्यक्षका लागि सिफारिस गरिएका छन् ।
अध्यक्षमा उठेका महेन्द्र श्रेष्ठ बर्तमान ४ नं वडाका अध्यक्ष हुन् भने उपाध्यक्षमा सिफारिस भएकी याम कुमारी राना पर्वत जिल्ला समन्वय समितिकी उपाध्यक्ष हुन् । वडा नं ५ मा सिफारिस गरिएका भुर्तेल पत्रकार हुन् ।
पैयूँमा अहिलेसम्म गठबन्धनको सहयात्रा हुने नहुने निश्चित भैसकेको छैन भने कांग्रेस, माओवादी लगायत अन्य दलहरुले उम्मेदवार छनौट गरी सार्वजनिक गरिसकेका छैनन् ।
वि.सं.२०७९ वैशाख ५ सोमवार १०:४६ मा प्रकाशित
