Sansar News
पोखरा । नेकपा माओवादी केन्द्रले पोखरा महानगरपालिकामा प्रमुख र उपप्रमुखमा ६ जनाको नाम सिफारिस गरेको छ ।
केन्द्रको पोखरा महानगर कमिटीको सोमबार बसेको बैठकले महानगरको प्रमुख पदमा ३ र उपप्रमुख पदमा ३ जनाको नाम सिफारिस गरेको हो ।
उक्त बैठकको निर्णय अनुसार महानगरको प्रमुख पदमा कमिटीका अध्यक्ष समेत रहेका बखानसिँह गुरुङ तथा विश्वप्रकाश लामिछाने र सीता खड्काको नाम सिफारिस गरिएको छ ।
महानगर इन्जार्च दीपक कोइरालाका अनुसार उपप्रमुख पदमा गोमा ढकाल, सिर्जना त्रिपाठी र सूर्यप्रकाश तिवारीको नाम सिफारिस गरिएको छ ।
उपप्रमुख पदमा सिफारिस गरिएकी ढकाल अघिल्लो निर्वाचनमा पनि उपप्रमुखमा उम्मेदवारी दिएकी थिइन् । उनी नेकपा एमालेकी मञ्जुदेवी गुरुङबाट पराजित भएकी थिइन् ।
वि.सं.२०७९ वैशाख ५ सोमवार १९:१९ मा प्रकाशित
