Sansar News
काठमाडौं । स्थानीयतह निर्वाचन अभियान व्यवस्थित तथा प्रभावकारी बनाउन नेपाली कांग्रेसले महामन्त्री विश्व प्रकाश शर्माको नेतृत्वमा प्रदेश डेस्क स्थापना गरेको छ ।
पार्टीका सभापति शेर बहादुर देउवाले सोमबार महामन्त्री शर्माले समन्वय गर्ने गरी उक्त डेस्क स्थापना गरेका हुन् । उक्त डेस्कले निर्वाचन परिचालन समितिका बैठकको निर्णयअनुसार स्थानीयतहको चुनाव प्रभावकारी बनाउने अभियानलाई सक्रिय रुपमा अगाडि बढाउनेछ ।
केन्द्रमा महामन्त्री शर्माले समन्वय गर्ने गरी स्थापना गरिएको उक्त प्रदेश डेस्कका लागि ७ जना सहमहामन्त्रीहरुलाई प्रदेश संयोजकहरु समेत तोकिएको छ ।
कांग्रेसका मुख्यसचिव कृष्ण प्रसाद पौडेलका अनुसार प्रदेश नं १ को संयोजकमा सहमहामन्त्री जीवन परियार, मधेशमा भीष्मराज आङ्दम्वे, बागमतीमा फरमूल्लाह मन्सुर, गण्डकीमा महालक्ष्मी उपाध्याय ‘डिना’, लुम्बिनीमा महेन्द्र यादव, कर्णालीमा बद्री पाण्डे र सुदूरपश्चिममा किशोरसिंह राठौरलाई जिम्मेवारी दिइएको छ ।
वि.सं.२०७९ वैशाख ६ मंगलवार १०:४२ मा प्रकाशित
