Sansar News
काठमाडौं । नेपाली कांग्रेस धरानले आगामी बैशाख ३० गते हुने स्थानीयतहको निर्वाचनका लागि धरान उपमहानगरपालिकाको मेयरमा ९ जनाको नाम सिफारिस गरेको छ ।
मंगलबार बसेको नगर कार्यसमितिको बैठकले धरान उपमहानगरपालिकाको मेयर र उपमेयरका लागि आकांक्षीका नाम सिफारिस गरेको हो ।
उक्त समितिले मेयर पदमा तिलक राई, किशोर राई, पर्वत राई, अजय राई, उमेश थापा, सुजेन्द्र तामाङ, श्यामा रेग्मी, गोविन्द दर्नाल र मीना पुलामीको नाम सिफारिस गरेको छ ।
त्यसैगरी उपमेयरमा हिमाल राई, मनिता घिमिरे, झुमा राई, उर्मिला प्रधान, शीला ब्रजाचार्य, निलकुमारी थापा, कुसुम ओली, निर्मला शाक्य, सन्तोष विश्वकर्मा र कोपिला भट्टराईको नाम सिफारिस गरिएको समितिले जनाएको छ ।
वि.सं.२०७९ वैशाख ७ बुधवार ०८:२५ मा प्रकाशित
