हामी सबैकाे संसारन्यूज

काठमाडौं । अपर सोलु हाइड्रो इलेक्ट्रिक कम्पनीले आईपिओ निष्काशनको अनुमति पाएको छ । नेपाल धितोपत्र बोर्ड (नेप्से)ले हिजो बैशाख ७ गते अपर सोलुलाई आईपिओ निष्काशनको अनुमति दिएको हो ।

कम्पनीले बोर्डबाट अनुमति पाएसँगै आयोजना प्रभावित र स्थानीयगरी ३३ करोड ७ लाख ५० हजार बराबरको ३३ लाख ७ हजार ५ सय कित्ता शेयर निष्काशनको लागि अनुमति माग गरेको हो । शेयर निष्काशनको लागि एनएमबि क्यापिटल बिक्रि प्रबन्धक रहेको छ ।

कम्पनीले सोलुखुम्बुमा २३.५ मेगावाटको सोलु हाइड्रोपावर आयोजना निर्माण सम्पन्न गरी विद्युत उत्पादन गरिरहेको छ भने सोलुखुम्बुमै २.८ मेगावाटको सिसा खोला ए आयोजना निर्माण गरिरहेको छ ।