हामी सबैकाे संसारन्यूज

काठमाडौं । एनएमबि बैंकले प्रदेश स्तरीय ‘कृषिकर्जा योजना’ सुरुवातको घोषणा गरेको छ । यो योजना बैंशाख २ देखि असार ३२ सम्म लागू हुने बैंकले जनाएको छ ।

बैंकले प्रदेश १को लागि पाथिभारा ब्यवसायिक कृषिकर्जा, मधेश प्रदेशको लागि मधेश व्यवसायिक कृषिकर्जा, वागमती प्रदेशको लागी स्मार्ट कृषिकर्जा, गण्डकी प्रदेशको लागी गण्डकी व्यवसायिक कृषिकर्जा, लुम्बिनी प्रदेशको लागी बुद्धभूमि व्यवसायिक कृषिकर्जा, कर्णाली प्रदेशको लागी कर्णाली व्यवसायिक कृषिकर्जा र सुदूर पश्चिम प्रदेशको लागी सुदूर पश्चिम व्यवसायिक कृषिकर्जा योजना ल्याएको छ ।

बैंकले यस कर्जा योजना अन्र्तगत स्थानीय कृषि उत्पादनको प्रवर्द्धन गर्ने उद्देश्यले सहज प्रक्रिया, सहुलियत ब्याज दर, प्रशासनिक शुल्कमा सहुलियत, डेविट कार्डमा सहुलियत, विमा तथा क्रेडिट कार्ड सुविधा जस्ता आकर्षण थपेको जनाएको छ ।

ग्लोबल एलायन्स फर बैंकिङ अन भ्यालुजको सदस्यको रूपमा, एनएमबि बैंकले कृषि फाईनान्सिङ्गलाई प्राथमिकता दिदै आईरहेको छ । यसका साथै यो दिगो व्यवसायकालागि बैंकको रणनीतिक स्तम्भहरू मध्ये एक भएको बैंकले जनाएको छ । बैंकले दिर्घकालीन रणनीतिक उद्देश्य अनुरूप कृषिलाई केन्द्रमा राखी समय समयमा यस्ता योजनाहरु प्रस्तुतगदै आइरहेको जानकारी गराएको छ ।