हामी सबैकाे संसारन्यूज

अर्घाखाँची । राष्ट्रिय जनमोर्चा (राजमो) अर्घाखाँचीले आगामी बैशाख ३० गते हुने स्थानीयतहको निर्वाचनका लागि अर्घाखाँचीका सबै पालिकाका वडामा आफ्नो उम्मेदवारको टुंगो लगाएको छ ।

राष्ट्रिय जनमोर्चा अर्घाखाँची जिल्लाका अध्यक्ष थमन केसीका अनुसार अर्धाखाँचीको भूमिका स्थान नगरपालिकाका १० वडा, सन्धिखर्क नगरपालिकाका १२ वडा, मालारानी गाउँपालिका ९ वडा, सितगंगा नगरपालिकाका २,४,६,७,८,१२ नं वडा, पाणिनी गाउँपालिकाका ४ वडा र छत्रदेव गाउँपालिकाका ३, ७ र ८ नम्बर वडामा आफ्नो उम्मेदवारको टुंगो लगाएको हो ।

पाणीनी २ मा तारा सोमरे
त्यसैगरी राष्ट्रिय जनमोर्चा पाणिनी गाउँपालिकाका अध्यक्ष देवि प्रसाद भुसालको अध्यक्षतामा बिहीबार बसेको बैठकले वडा नं २ को अध्यक्षमा तारा सोमरेको नाम टुंगो लगाएको हो ।

लामो समयदेखि भारतमा रहेर मुल प्रवाह अखिल भारत नेपाली एकता समाजका बैकल्पिक सदस्य रहेका सोमरे हाल समाजका हिसार नगर कमिटीका सचिव समेत हुन् । समरेले भारतका विभिन्न ठाउँमा कार्यरत नेपाली मजदुरको हकहितमा उल्लेखनीय काम गदै आएका छन् ।

त्यस्तै वडा नं १ का अध्यक्ष देव रावल र सदस्यमा शंकर भट्टराई तथा महिला सदस्य पम्फा सारु, वडा नं २ मा अध्यक्ष तारा सोमरेको नाम टुंगो लगाइएको छ भने सदस्यहरुमा १० गतेसम्म नामावली दिने निर्णय गरिएको छ ।

त्यस्तै वडा नं ३ अध्यक्ष तुल्सी भुसाल, वडा न ४ मा अध्यक्ष निमिराज भट्टराई, महिला सदस्य मिना वेल्वासेको नाम टुंगो लगाइएको छ ।

चुनाव प्रचारप्रसार समिती गठन
त्यसैगरी अध्यक्ष भुसालको संयोजकत्वमा २० सदस्यीय चुनाव प्रचारप्रसार समिती गठन गरिएको छ ।

सििमतको सहसंयोजकमा तारा सोमरे, सदस्यहरुमा सावित्रा घिमिरे, मुक्तिराम वेल्वासे, देव बहादुर रावल, शंकर भट्टराई, घनश्याम वेल्वासे,चन्द्रमणी घिमेरे, हिमनाथ खनाल, मिजास सोमरे, केहर सिंह घर्ती मगर,चन्द्र बहादुर थापा, बल बहादुर सारु, मोतिराज गौतम, मिना वेल्वासे, गोपाल वेल्वासे, निमिराज भट्टराई रहेका छन् ।