हामी सबैकाे संसारन्यूज

काठमाडौं । कामना सेवा विकास बैंकले वैशाख ८ गतेबाट लमजुङ जिल्लाको मध्यनेपाल न.पा. २ को सोतीपसलमा शाखा रहित बैंकिङ सेवा सञ्चालनमा ल्याएको छ ।

मध्यनेपाल न.पा. वडा नंं ०२ सोतीपसलस्थित पौडेल इलेक्ट्रिक पसल (प्रो. लक्ष्मण पौडेल) लाई शाखा रहित बैंकिङ सञ्चालनको लागि व्यावसायिक प्रतिनिधि नियुक्त गरिएको बैंकले जनाएको छ ।

कामना सेवा विकास बैंकका सञ्चालक चतुराखर अधिकारी, वडा नं. ०१ का वडा अध्यक्ष चन्द्रमणि पौडेल तथा वडा नं. ०२ का वडा अध्यक्ष पदम बहादुर थापाले संयुक्त रुपमा उक्त शाखा रहित बैंकिङ सेवाको उद्घाटन गरेका हुन् । शाखा रहित बैंकिङ मार्फत खाता खोल्न, निक्षेप संकलन, रकम भुक्तानी, विभिन्न बिल भुक्तानी लगायतका सुविधाहरु प्रदान गरिनेछ ।