हामी सबैकाे संसारन्यूज

काठमाडाैं । नेकपा (एमाले)ले स्थानीय तह निर्वाचनको घोषणापत्र सार्वजनिक गरेको छ । शुक्रबार एमालेको नयाँ पार्टी कार्यालय च्यासलमा भएको कार्यक्रममा अध्यक्ष केपी शर्मा ओलीले घोषणापत्र सार्वजनिक गरेका हुन् ।

‘सुशासन, समृद्धि र समाजवादको आधार, पालिका-पालिकामा एमालेको सरकार’ भन्ने मूल नारासहित घोषणापत्र सार्वजनिक गरिएको हो ।

घोषणापत्रमा एमालेले रेल र जल यातायातको योजना अघि सारेको छ। ‘सार्वजनिक यातायात प्राधिकरण स्थापना गरी सार्वजनिक यातायातलाई व्यवस्थित गर्ने। ठूला सहरहरुमा रेल, बस, र्यातपिड ट्रान्जिट लगायतका यातायात प्रणालीको विकास गर्ने। ठूला नदी प्रणालीहरुमा जल यातायातको विकास गर्ने’, घोषणापत्रमा भनिएको छ।