Sansar News
काठमाडौं । ‘माओवादी आन्दोलनका प्रमुख उपलब्धिहरु’ नामक पुस्तिका विमोचन भएको छ ।
नेकपा (माओवादी केन्द्र) को केन्द्रिय कार्यालय पेसिडाँडामा आयोजित पार्टी स्थापना दिवशको कार्यक्रममा सो पार्टीका अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ ले नेपाल बुद्धिजीवी संगठनद्वारा प्रकाशित पुस्तिका विमोचन गरेका हुन् ।
माओवादी आन्दोलनले प्राप्त गरेका राजनैतिक परिवर्तन, संवैधानिक अधिकार, सामाजिक न्याय, वित्तिय क्षेत्रका पूर्वाधार र विकास तथा शुसासनका पक्षमा भएका २३३ उपलब्धिहरु उल्लेख गरिएको सो पुस्तिका ७५३ तहमै पठाइने जनाइएको छ ।
संगठनका संयोजक कृष्णराज केसीका अनुसार पार्टीको प्रदेश संयन्त्र, बुद्दिजीवीको प्रदेश संयन्त्र तथा अन्य जनवर्गिाय संगठनका माध्यमबाट देशैभर सो पुस्तिका वितरण हुनेछ ।
कम्युनिष्ट पार्टीको स्थापना दिवस तथा १५२ औं लेनीन जयन्तीको अवसमा आयोजित कार्यक्रममा पार्टी अध्यक्ष प्रचण्ड, वरिष्ठ नेता नारायणकाजी श्रेष्ठ, नेताहरु कृष्ण बहादुर महरा, देव गुरुङ, वर्षमान पुन, लीलामणि पोखरले, देवेन्द्र पौडेल लगायतको उपस्थिति रहेको थियो भने बुद्दिजीवी संगठनका संयोजक कृष्ण केसी र सहसंयोजक नीलकण्ठ तिवारी लगायत केन्द्रीय तथा प्रदेश पदाधिकारीहरुको उपस्थिति रहेको थियो ।
वि.सं.२०७९ वैशाख ९ शुक्रवार १४:३५ मा प्रकाशित
