हामी सबैकाे संसारन्यूज

काठमाडौं । रुपन्देहीको बुटवलको जंगलमा श्रीमान् श्रीमती मृताअवस्थामा भेटिएका छन् ।

प्रहरीका अनुसार बुटवल उपमहानगरपालिका–७ स्थित शिवनगर जंगलमा बुटवल ११ को देविनगर बस्ने ६० वर्षीय काजीमान श्रेष्ठ र उनकी श्रीमती ५५ वर्षीया कमला श्रेष्ठ मृत अवस्थामा भेटिएका हुन् ।

इलाका प्रहरी कार्यालय बुटवल प्रमुख ठगबहादुर केसीका अनुसार घरबाट बेपत्ता भएका उनीहरुको एक महिनापछि जंगलमा सुकिसकेको अवस्थामा शब फेला परेपछि स्थानीयले प्रहरीलाई खबर गरेका थिए ।

चैत ६ गते घरबाट निस्किएका उनीहरु घर नफर्किएपछि आफन्तले खोजि गरिदिन भन्दै प्रहरीमा निवेदन समेत दिएका थिए ।
उनीहरुको शब फेला परेको स्थानमा विषादीको बोतल समेत फेला परेकोले उनीहरुले आत्महत्या गरेको हुनसक्ने प्रारम्भिक अनुसन्धानमा देखिएको प्रहरीले जनाएको छ । प्रहरीले थप अनुसन्धान गरिरहेको छ ।