हामी सबैकाे संसारन्यूज

१२ वैशाख, काठमाडौँ । २०२२ को आईपिएलमा मुम्बई इन्डियन्स लगातार आफ्नो आठौं खेलमा पराजित भएको छ । मुम्बई आफ्नो आठौं खेलमा लखनऊ सुपर जायन्ट्ससँग ३६रनले पराजित भएको हो ।

टस हारेर पहिले ब्याटिङ्ग गरेको लखनऊले २० ओभरमा ६ विकेट गुमाएर १६८ रन बनाएका थिए । लखनऊका लागि ब्याटिङ्गमा कप्तान केएल राहुलले सतकीय पारी खेलेका थिए । उनी ६२ बलमा १०३ रन बनाएर नटआउट रहेको थिए । उनको यस आईपिएलमा यो दोस्रो सतक हो । मुम्बईका लागि बलिङ्त तर्फ रिले मेरिडिथ र किरोन पोलार्डले सर्वाधिक २ २ विकेट हात पारेका थिए ।

१६९ रनको लक्ष्य मुम्बईले पुरै २० ओभर खेल्दा पनि पुरा गर्न सकेन । मुम्बईको टिमले २० ओभरमा ८ विकेट गुमाएर १३२ रन मात्र बनाउन सक्यो । मुम्बईका लागि कप्तान रोहित शर्माले सर्वाधिक ३९ रन बनाएका थिए भने लखनऊका लागि बलिङ्गमा कृणाल पांड्याले सर्वाधिक ३ विकेट लिएका थिए ।

जितसँगै लखनऊ सुपर जायन्ट्स ८ खेलबाट १० अकं जोड्दैँ अकं तालिकाको चौँथो स्थानमा उक्लिएको छ ।