हामी सबैकाे संसारन्यूज

काठमाडौं । स्थानीयतहको निर्वाचनका लागि नेकपा एमालेबाट पोखरा महानगरपालिकाको मेयरमा नाम सिफारिस भएका दीपक पौडेलको नाम काटिएको छ ।

आइतबार दिनभरी पौडेलले सिक्रि चोरेको भिडियोसहित सामाजिक संजालमा एमालेको चर्को आलोचना भएपछि आइतबारै एमालेले मेयरको उम्मेदवार रहेका पौडेलको नाम काटेर गण्डकी प्रदेश सांसद तथा केन्द्रीय सदस्य कृष्ण थापालाई मेयरको उम्मेदवार बनाएको हो ।

मेयरको उम्मेदवारमा आफ्नो नाम मनोनयन गर्न नपाउँदै आइतबार दिनभर पौडेलको चर्को आलोचना भएपछि एमाले अध्यक्ष केपी ओलीले उम्मेदवार परिवर्तन गर्ने विषयमा छलफल गरेका थिए । सोहि अनुरुप पौडेलको नाम काटेर मेयरमा थापाको नाम अघिद सारिएको बताइएको छ ।

त्यस्तै आइतबार आफ्लाई नसोधि पार्टीले आफ्नो नाम उपमेयरमा टुंगो लगाएको भन्दै आपत्ति जनाएकी केन्द्रीय सदस्य मन्जु देवी गुरुङले पनि अन्ततः उपमेयर पदमा चुनव लड्न तयार भएको बताइएको छ । गुरुङ २०७४ को निर्वाचनमा पोखरा महानगरको मेयरमा निर्वाचित भएकी थिइन् ।