हामी सबैकाे संसारन्यूज

१५ काठमाडौँ । राजिस्थान रोयल्सले यस आईपिएलमा आफ्नो छैठौँ जित हासिल गरेको छ । राजिस्थानले रोयल च्यालेन्जर्स बेङ्गलोरलाई २९ रनले पराजित गर्दै आफ्नो छैठौँ जित हासिल गरेको हो ।

टस हारेर पहिले ब्याटिङ्ग गरेको राजिस्थानले २० ओभरमा ८ विकेट गुमाएर १४४ रन बनाएको थियो । राजिस्थानका लागि ब्याटिङ्गमा रियान परागले सर्वाधिक ५६ रनको पारी खेलेका थिए भने बेङ्गलोरका लागि बलिङ्गमा मोहम्मद सिराज, जश हेजलवुड र वानिन्दु हसरंगाले सर्वाधिक २ २ विकेट हात पारेका थिए ।

१४५ रनको लक्ष्य पछाएको बेङ्गलोरले पुरै २० ओभर पनि ब्याटिङ्ग गर्न सकेन । बेङ्गलोरको टिम १९.३ ओभरमा ११५ रन बनाएर अलआउट हुन पुगेको थियो । बेङ्गलोरका लागि ब्याटिङ्गमा फाफ डुप्लेसिसले सर्वाधिक २६ रन बनाएका थिए । राजिस्थानका लागि बलिङ्गमा कुलदिप सेनले सर्वाधिक ४ विकेट हात पारेका थिए ।

जितसँगै राजिस्थान रोयल्स ८ खेलबाट १२ अकं जोड्दैँ अकं तालिकाको शिर्ष स्थानमा उक्लिएको छ भने रोयल च्यालेन्सर्ज बेङ्गलोर ९ खेलबाट १० अकं जोड्र्दै अकं तालिकाको पाँचौँ स्थानमा रहेको छ ।