हामी सबैकाे संसारन्यूज

काठमाडौं । स्थानीयतको निर्वाचनका लागि उम्मेदवारी दिएका उम्मेदवारीहरुको आज नामावली प्रकाशन गरिने भएको छ ।

निर्वाचन आयोगले यहि बैशाख ३० गते हुने स्थानीय निर्वाचनका लागि बैशाख ११ र १२ गते उम्मेदवारी मनोनयन दर्ता गरेका उम्मेदवारहरुको नामावली आज बेलुका ६ बजेसम्म प्रकाशन गर्ने भएको हो ।

उम्मेदवारी मनोनयन दर्ता गरेका उम्मेदवारहरुविरुद्ध परेका उजुरीहरुको आयोगले जाँचबुझ गरिरहेको छ । आयोगका अनुसार २०७४ को निर्वाचनमा समानुपातिकतर्फको बन्दसूचीमा रहेका झण्डै १५ जना व्यक्तिको उम्मेदवारी खारेज भएकोछ ।

मनोनयन दर्ता गराएका उम्मेदवारहरुले भोली शुक्रबारसम्ममा आफ्नो मनोनय फिर्ता लिन सक्ने छन् भने अन्तिम नामावली शुक्रबारै प्रकाशन गरिने र १७ गते उम्मेदहरुलाई चुनाव चिन्ह प्रदान गरिने पनि आयोगले जनाएको छ ।

७५३ स्थानीयतहको ३५ हजार २२१ पदका लागि १ लाख ४७ हजार २७४ जनाले उम्मेदवारी दिएको आयोगले जनाएको छ । जसमा प्रमुख पदका लागि ३४३०, उपप्रमुखमा २०९७, अध्यक्ष पदमा ३,३६३, उपाध्यक्षमा २३८२, वडा अध्यक्षमा ३४ हजार ३५७, महिला सदस्यामा २५ हजार ३४५, दलित महिला सदस्यमा २२ हजार ८९९, सदस्यमा ५३ हजार ४०१ जनाले उम्मेदवारी दिएका छन् ।