हामी सबैकाे संसारन्यूज

नेकपा माओवादी केन्द्रका नेता तथा नुवाकोटका राजनीतिज्ञ तोयानाथ थपलियाले एउटा भावुक अपिल सार्वजनिक गरेका छन ।

माओवादी नेता पोष्ट बहादुर बोगटीको सहयात्री भएर क्रान्तिकारी राजनीति स्थापीत गर्न लागिपरेका थपलियाले बोगटीकी छोरी प्रभा बोगटीलाई संबोधन गर्दै भावुकता अभिव्यक्त गरेका हुन् ।

प्रभा यतिबेला पांच दलीय गठबन्धनबाट चुनावमा उठेपनि नुवाकोटका सबै दलको साझा उम्मेदवारको रुपमा मान्न थपलियाले बिशेष अनुरोध गरेका छन् ।

उनले भनेका छन ‘यस पटक विदुर नगरपालिकामा नेकपा (माओवादी केन्द्र ) ले प्रभा वोगटीलाई उमेद्वार वनाएको छ । उनि गठवन्धनको साझा उमेद्वार हुन् । उनका वावा पोष्टवहादुर वोगटी माओवादी नेता भएकोले गाउं र घरमा वस्न समेत पाईनन् र वाल्यकालमै जनयुद्धमा सामेल भईन् र कुशलतापुर्वक युद्धमा पार्टीले दिएको जिम्मेवारी पूरा गरिन् । शान्ति सम्झौतापछि एसएलसी पास गरेर उच्च शिक्षा अध्ययन गरिन् । त्यतिवेला पोष्टवहादुरले भनेको भए वा प्रभाले चाहेको भए काठमाडौंका नाम चलेका कलेजहरुले निःशुल्क पढाईदिन्थे ।

तर पोष्टवहादुर दाइले छोरी तेरो कलेजमा पढाउन पर्यो भन्नु भयो र हाम्रो श्वेत सदन उच्च माविवाट ंप्लस टु अध्ययन पूरा गरिन् र अन्य कलेजवाट उच्च शिक्षा पूरा गरिन् । त्यतिवेला प्रचण्ड पुत्र प्रकाशसंग उनको सम्वन्ध विच्छेद भई सकेको थियो । प्रभामा नेता पुत्रीको घमण्ड न कतै देखिन्थ्यो न त पूर्व छापामारको दम्भ ।

शहिद प्रतिष्ठान र वावाको सचिवालयको काम समेत गर्दै एक कुशल संचारकर्र्मीको भूमिका निर्वाहउनले गरिन् । परिवारका सवै लिएर जनयुद्धमा होमिएका वोगटी परिवारका एकमात्र पुत्र रवि वोगटी जनयुद्धमै शहिद वने । प्रभाले दाजु गुमाईन् । माओवादी नेताहरुले अरुका छोरालाई लडाएर आफ्ना छोराछोरी विदेश पढाए भनि आरोप लगाउनेहरु यो परिवारको पूरै सदस्यहरु युद्धमा समर्पित भएको र नेताको छोरा शहिद भएको कुरालाई प्रचारमा ल्याउन रुचि राख्दैनन ।

माओवादीलाई वदनाम गर्न सकिने छिद्रहरुमात्रै खोज्दै हिडछन् । दीवंगत नेता पोष्टवहादुर वोगटीको देश र जनताप्रतिको समर्पण र देशका सवै दलका नेताहरुसँग मित्रवत व्यवाहार गर्न सक्ने अदभुत क्षमताको वर्णन सवैले गरेका छन् । आफ्ना पिताको त्यो क्षमता म प्रभा वोगटीमा पाउंछु । मलाई थाहा छैन प्रभाको त्यो क्षमता जन्मजात हो वा पितावाट सिकेकी हुन् । प्रभाका भन्दा युद्धमा कम योगदान भएका र युद्धपछि पार्टीमा जोडिएकाहरु केन्द्रीय सदस्य सांसद र मन्त्री भई सकेका छन् ।

तर प्रभाले नगर कमिटीको अध्यक्ष हुदै नगरको उपमेयरको चुनाव लडेर ग्राउण्डवाटै राजनीति सुरु गर्ने जमर्को गरेकी छिन् । हामी नुवाकोटका जनताले उनको यस अभियानलाई स्यालुट गर्नैपर्छ । सायद आज पोष्टवाहादुर जिवित भएको भए छोरीलाई उपमेयर वनाउन खोजेको भयंकर आरोप लाग्ने थियो, जसरी क प्रचण्डमाथी हमला भएको छ त्यसरी नै हमला हुने थियो ।

नुवाकोटवाट जितसिंग खडका, प्रकाशचन्द्र लोहनी, अर्जुन नरसिहं के सि पोष्ट वहादुर वोगटी, डा रामशरण महत, प्रकाशशरण महत केन्द्रीय राजनीतिमा आ–आफ्ना कालमा प्रभावकारी रहे । नयां पुस्तावाट नेतृत्वको विकाश अनिवार्य छ । केन्द्रीय राजनीतिमा नुवाकोटको दरिलो उपस्थिती अवको एक दशकपछी नुवाकोटे चेली प्रभा वोगटीवाट हुन सक्छ र त्यो क्षमता मैले उनिमा देखेको छु । केन्द्रीय राजनीतिमा युवा पुस्ताको नुवाकोटबाट उपस्थितीको लागि प्रभाको अहिलेको उपमेयरको विजय अनिवार्य छ । प्रभा माओवादी केन्द्रको तर्फवाट पांचदलीय गठवन्धनको विदुर नगरपालिकाको उपमेयरको साझा उमेदवार भए पनि उनी सम्पूर्ण नुवाकोटे जनताकै साझा उमेद्वार हुन । सम्पुर्ण महिला, दलित, जनजाति र न्यायप्रेमि जनसमुदायको साझा उमेद्वार हुन् । दलीय स्वार्थ भन्दामाथि उठेर हामिले प्रभालाई विजयी गराउदा कसैले हार्ने छैन र सवै नुवाकोटे जुनसुकै दलमा भए पनि सबैले जितको अनुभुति गर्न पाउने छौं । पंचायती प्रधानमंन्त्री मरिचमानको राजनैतिक यात्रा प्रधान पंञ्चवाट शुरु भएको थियो ।

छोरी प्रभा तिमिले आफ्नो राजनतिक यात्रा विदुरको उपमेयरवाट शुरु गरेकी छ्यौं । यो यात्राको गन्तव्य भविश्यमा मुलुकको सर्वोच्च पदसम्म पुग्न सफलता मिलोस् तिमीलाई शुभकामना ।

जिल्लामा उम्रदै गरेको कलिलो विरुवालाई निमोठेर हैन मलजल गरेर विशाल वृक्ष वनाउन म विदुर नगरका मतदाताहरुलाई अनुरोध गर्दछु । अग्रज नेताहरु नुवाकोटका भनेर जसरी हिजो हामिले गर्व गरेका थियौ, त्यसैगरी भोली पनि गर्व गर्नका लागी एक डेढ दशकपछी केन्द्रीय राजनीतिमा नुवाकोटको उपस्थिति र हस्तक्षेपका लागि हामी सवै नुवाकोटवासीहरुले हाम्री चेली प्रभा वोगटीलाई साथ सहयोग सुझाव सल्लाह आसिर्वाद र मताधिकार हुनेले मत दिएर विजयी वनाऔं ।’