हामी सबैकाे संसारन्यूज

काठमाडौं । स्थानीय चुनावलाई लक्षित गर्दै पाँच दलीय सत्ता गठबन्धनले भरतपुरमा शक्ति प्रदर्शन गर्ने भएको छ । बिहीबार तय भएको चुनाव केन्द्रीय आमसभालाई सम्बोधन गर्न गठबन्धनका सबै शीर्ष नेता जाने तय भएको नेपाली कांग्रेस चितवनका उपसभापति राजिव न्यौपानेले जानकारी दिएका छन् ।

आमसभामा प्रधानमन्त्री शेरबहादुर देउवा, कांग्रेस वरिष्ठ नेता रामचन्द्र पौडेल, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, जनता समाजवादी पार्टी (जसपा)का अध्यक्ष उपेन्द्र यादव, राष्ट्रिय जनमोर्चाका नेताहरुले सभालाई सम्बोधन गर्नेछन् ।

आमसभालाई सम्बोधन गर्न कांग्रेसका महामन्त्री गगन थापा, केन्द्रीय सदस्य डा. शेखर कोइराला समेत सहभागि हुने उनले बताए । आमसभामा जनसहभागिता जुटाउनको लागि व्यापक तयारी थालिएको उनले बताए ।

भरतपुर महानगरपालिकामा पाँच दलीय गठबन्धनको साझा उम्मेदवार रेनु दाहाल छिन्। तर कांग्रेसका जगन्नाथ पौडेलले बागी उम्मेदवारी दिएका छन्। गठबन्धनका शीर्ष नेताहरुले एकताको सन्देश दिन बृहत आमसभा गर्न लागेका हुन् ।