हामी सबैकाे संसारन्यूज

काठमाडौं । कर्णाली प्रदेश सरकारले बजेट तर्जुमाका लागि नागरिकको सुझाव मागेको छ । प्रदेश सरकारले आर्थिक वर्ष २०७९/८० को बजेट तर्जुमाका लागि नागरिक तहसम्मको सुझाव माग गरेको हो ।

कर्णाली प्रदेश सरकार आर्थिक मामिला तथा योजना मन्त्रालयले आफ्नो वेबसाइटमा बजेट तर्जुमा कार्य प्रारम्भ भएको सूचना गर्दै त्यसलाई सहभागितामूलक बनाउन राय सुझावका लागि सरोकारवाला तथा विज्ञहरुलाई अनुरोध गरेको छ ।

बजेट तथा कार्यक्रम समावेश गर्न उपयुक्त हुने आर्थिक, सामाजिक, शैक्षिक, स्वास्थ्य, पूर्वाधार, शासकीय प्रबन्ध र विषयसँग सम्बन्धित राय/सुझाव आगामी जेठ १५ गतेभित्र पठाउन सूचनामा अनुरोध गरिएको छ । कर्णाली प्रदेश सरकारले नागरिक तथा सरोकारवालासहित विज्ञहरुलाई budgetkarnali2079@gmalif.com मा बजेट तर्जुमासँग सम्बन्धित राय/सुझाव इमेल गर्न आग्रह गरेको छ ।

सूचना: