हामी सबैकाे संसारन्यूज

काठमाडौं । सिद्धार्थ बैंक लिमिटेडले नववर्ष २०७९ को प्रारम्भको विशेष अवसर पारेर ग्राहक वर्गको चाहनाअनुरूप वार्षिक ८.०३ प्रतिशत ब्याज प्राप्त गर्न सकिने ‘प्लाटिनम प्लस’नामक बचत खाता सञ्चालनमा ल्याएको छ ।

बचत खातामै आकर्षक प्रतिफलको चाहना गर्ने ग्राहकहरूमाझ यो बचत खाता रोजाइमा पर्ने बैंकले विश्वास लिएको जनाएको छ ।

आकर्षक प्रतिफलका अतिरिक्त प्लाटिनम प्लस खाता खोल्ने ग्राहकहरूले मासिक ब्याज भुक्तानी, प्रायोरिटी बैंकिङ सेवा, लकर सेवा शुल्कमा ५० प्रतिशतको छुट (पहिलो वर्षको लागि), डेबिट कार्ड, मोबाइल बैैंकिङ, एसएमएस अलर्ट सेवा, इन्टरनेट बैंकिङ, युएनओ क्रेडिटकार्ड, डिम्याटरमेरो सेयर सी–आस्वा, प्रिपेड युएसडी ईकमकार्ड लगायत सुविधा प्राप्त गर्ने बैंकले जनाएको छ ।

सो खाता सिद्धार्थ बैंककोे १९० वटा शाखा कार्यालयहरूबाट सहजै यो खाता खोल्न सकिने बताइएको छ । यस खाताबारे विस्तृत जानकारी नजिकैको शाखा कार्यालय वा बैंकद्वारा सञ्चालित ग्राहक सेवा केन्द्र, सिद्धार्थ केयरमा सम्पर्क गरी प्राप्त गर्न सकिने बैंकले जनाएको छ ।