Sansar News
बारा । बाराको जितपुरसिमरा उपमहानगरपालिकाको प्रमुखमा नेकपा (माओवादी केन्द्र) का उम्मेदवार राजन पौडेल विजयी भएका छन् ।
सत्ता गठबन्धनबाट उपमहानगरमा मेयरको उम्मेदवार बनेका पौडेल १८ हजार ७४३ मतसहित उपमहानगरको मेयरमा निर्वाचित भएका हुन् । पौडेलका प्रतिद्धन्द्धी एमालेबाट उम्मेदवार रहेकी सरस्वती चौधरीले १७ हजार ७७९ मत ल्याएकी थिइन् ।
त्यसैगरी उपप्रमुखमा नेकपा एमालेका उम्मेदवार भोला अधिकारी विजयी भएका छन् । अधिकारीले १७ हजार ४९२ मत ल्याएर निर्वाचित हुँदा सत्ता गठबन्धनको तर्फबाट उम्मेदवार रहेकी काङ्ग्रेसकी मेघा शाहीले १५ हजार ८४२ मत प्राप्त गरेकी थिइन् ।
त्यसैगरी लोसपाको मेयर उम्मेदवार सञ्जय साहले ५,३८२ मत ल्याएका प्राप्त गरेका छन् ।
वि.सं.२०७९ जेठ ५ बिहीवार ०७:०० मा प्रकाशित
