हामी सबैकाे संसारन्यूज

काठमाडौं । सरकारले कार्गो र मेट्रो रेल चलाउने योजना अघि सारेको छ । मंगलबार संघीय संसदको संयुक्त बैठकमा राष्ट्रपति विद्यादेवी भण्डारीद्धारा प्रस्तुत नीति तथा कार्यक्रममा कार्गो र मेट्रो रेल चलाउने अगाडि बढाउने बताइएको हो ।

विराटनगरको सुख्खा बन्दरगाहसम्म कार्गो रेल र पूर्व–पश्चिम रेलमार्गको अध्ययन गरिने योजना नीति तथा कार्यक्रममा उल्लेख छ । सरकारले काठमाडौंलाई रसुवागढी र वीरगञ्जसँग रेलमार्गले जोड्ने योजना पनि अगाडि सारेको छ ।

यसअघि पनि सरकारले पूर्व–पश्चिम रेलमार्गको अध्ययन गर्ने कार्यक्रम अगाडि सारेको थियो । महानगरका मेयरहरुले पनि मोनो र मेट्रो रेलका कुरा गरेका थिए ।

यस्तै, सरकारले पूर्व–पश्चिम राजमार्गलाई एसियन हाइवेको रुपमा स्तोन्नति गरिने पनि योजना अगाडि सारेको छ । प्रस्तुत नीति तथा कार्यक्रममा पूर्व–पश्चिम राजमार्गलाई ५ वर्षभित्र ४ लेनको एसियन हाइवेका रुपमा स्तोन्नति गरिने उल्लेख छ ।

त्यस्तै, सरकारले काठमाडौं– तराई–मधेस द्रुत मार्ग (फास्ट ट्र्याक) तोकिएको समयमा नै सम्पन्न गर्ने गरी निर्माण कार्यलाई तीव्रता दिइने जनाएको छ ।