Sansar News
पोखरा । पोखरा महानगरपालिकाको मेयरमा (एकिकृत समाजवादी) पार्टीका धनराज आचार्य विजयी भएका छन् ।
गठबन्धनबाट मेयरको साझा उम्मेदवार बनेका आचार्यले ६ हजार बढी मतान्तरसहित विजयी हासिल गरेका हुन् ।
मुख्य निर्वाचन अधिकृतको कार्यालयका अनुसार आचार्यले ५८ हजार ८९३ मतसहित मेयरमा विजयी हुँदा उनका प्रतिद्धन्द्धी कृष्ण थापाले ५२ हजार ८४८ मत प्राप्त गरेका थिए ।
त्यसैगरी उपमेयरमा नेकपा एमालेकी उम्मेदवार मन्जुदेवी गुरुङले सबैभन्दा बढी मत ल्याएर विजयी भएकी छन् । गुरुङले ६० हजार ५४६ मत ल्याएर उपमेयरमा विजयी हुँदा उनका प्रतिद्धन्द्धी गठबन्धनबाट साझा उम्मेदवार बनेकी कोपिला रानाभाटले ५६ हजार ६६३ मत प्राप्त गरिन् । गुरुङ २०७४ मा पनि लोकप्रिय मतसहित महानगरको उपमेयर बनेकी थिइन् ।
पोखरा महानगरमा कूल २ लाख ७ हजार मतदाता रहेकोमा १ लाख ४३ हजार २२६ मत खसेको थियो ।
वि.सं.२०७९ जेठ ११ बुधवार ०६:४५ मा प्रकाशित
