हामी सबैकाे संसारन्यूज

काठमाडौं । नेपाल विद्युत् प्राधिकरणको वितरण तथा ग्राहक सेवा निर्देशनालयले विद्युत् सम्बन्धी समस्या तथा गुनासो सम्बोधन गर्न उपत्यकाका ग्राहकहरुका लागि हटलाइन सेवा सुरु गरेको छ ।

प्राधिकरणले काठमाडौं उपत्यकाका ग्राहकहरुबीच विद्युत् सेवा आपूर्ति सम्बन्धी गुनासो तथा सूचना एवं जानकारीहरु एकै स्थानबाट आदान–प्रदान गर्न उपत्यकाका ग्राहकहरुका लागि छुट्टै कल सेन्टर २४ घटा सूचारु हुने जानकारी दिएको छ ।
‘काठमाडौं उपत्यकाभित्र विद्युत् आपूर्ति सम्बन्धी कुनै समस्या, सूचना तथा गुनासो भएमा विद्युत् प्राधिकरणको हटलाइन ११५० मा फोन सम्पर्क गरी तत्पश्चात अंक १ डायल गरेर कल सेन्टरमा जानकारी गराउन अनुरोध छ ।’ सूचनामा भनिएको छ ।