Sansar News
काठमाडौं । नेकपा (माओवादी केन्द्र) ले स्थानीय तहमा निर्वाचित जनप्रतिनिधिलाई प्रशिक्षण दिने भएको छ ।
बुधबार बसेको केन्द्रको पूर्वस्थायी समिति सदस्यहरुको अनौपचारिक बैठकले बैशाख ३० गते सम्पन्न स्थानीय तह निर्वाचनमा निर्वाचित भएका आफ्ना नेता तथा कार्यकर्तालाई प्रशिक्षण दिने निर्णय गरेको हो ।
उक्त बैठकले यहि जेठ १७ र १८ गते पार्टीका तर्फबाट देशैभरी निर्वाचित भएका पालिका प्रमुख, उपप्रमुख तथा अध्यक्ष र उपाध्यक्षलाई काठमाडौं बोलाए स्थानीय निकायमा उनीहरुले गर्नुपर्ने कामबारे प्रशिक्षण दिने बताइएको छ ।
माओवादी केन्द्रले हालसम्म १२१ पालिका प्रमुख र १२८ स्थानमा उपप्रमुख जितेको छ ।
वि.सं.२०७९ जेठ ११ बुधवार १५:१६ मा प्रकाशित
