हामी सबैकाे संसारन्यूज

काठमाडौं । तुल्सीपुर उपमहानगरपालिकाको मेयरमा नेकपा एमालेका टिका राम खड्का र उपप्रमुखमा स्यानी चौधरी निर्वाचित भएका छन् ।

गठबन्धनका तर्फबाट मेयरका साझा उम्मेदवार रहेका गेहेन्द्र गिरीलाई ३,९९१ मतले हराउँदै एमालेका उम्मेदवार खड्का मेयरमा निर्वाचित भएका हु्न । खड्काले ३१ हजार ४०८ मत ल्याएर विजयी हुँदा गिरीले २७ हजार ६९१ मत प्राप्त गरे ।

पूर्वसांसद समेत रहेका गिरी २०७४ को निर्वाचनमा पनि एमालेका घनश्याम पाण्डेसँग पराजित भएका थिए ।

त्यस्तै उपप्रमुखमा एमालेकै स्यानी चौधरीले ३० हजार ५९७ मत ल्याएर विजयी भएकी छन् । उनले गठबन्धनका साझा उम्मेदवार एकिकृत समाजवादीका जोगबहादुर रानालाई ९ हजार ५३२ मतले हराएकी हुन् । रानाले २१ हजार ६५ मत ल्याएर दोस्रो भएका छन् ।

मत परिणाम सकारात्मक नदेखेपछि रानाले मत गणनाकै क्रममा पार्टीको जिल्ला इन्चार्जबाट राजीनामा दिएका थिए ।
तुल्सीपुर उपमहानगरमा रहेका १९ वटा वडामध्ये एमाले १०, कांग्रेस ५, माओवादी केन्द्र ३ र एकजना स्वतन्त्र उम्मेदवार विजयी भएका छन् ।