Sansar News
काठमाडौं । काठमाडौं महानगरपालिकाको मेयरमा बालेन साह निर्वाचित भएका छन् ।
यहि बैशाख ३० गते सम्पन्न स्थानीय तह निर्वाचनको बिहीबार राति सार्वजनिक भएको अन्तिम मत परिणाम अनुसार काठमाडौंको मेयरमा स्वतन्त्र उम्मेदवार ३१ वर्षीय बालेन साह निर्वाचित भएका हुन् ।
बालेनले ६१ ह्जार ७६८ मत ल्याएर बिजयी हुँदा उनका निकटचम् प्रतिद्धन्द्धी गठबन्धनकी साझा उम्मेदवार नेपाली कांग्रेसकी सिर्जना सिंहले ३८ हजार ३४१ मत ल्याएर दोस्रो बनिन् भने एमालेका उम्मेदवार केशव स्थापितले ३८ हजार ११७ मत ल्याएर तेस्रो स्थानमा रहेका छन् ।
त्यसैगरी उपमेयरमा नेकपा एमालेकी उम्मेदवार सुनिता डंगोल विजयी भएकी छन् । उपमेयरमा डंगोलले ६८ हजार ६१२ मत ल्याएर विजयी भएकी हुन् । डंगोलका निकटतम् प्रतिद्धन्द्धी गठबन्धनका साझा उम्मेदवार रामेश्वर श्रेष्ठले २३ हजार ८०६ मत प्राप्त गरेका छन् ।
वि.सं.२०७९ जेठ १३ शुक्रवार ०७:३४ मा प्रकाशित
