हामी सबैकाे संसारन्यूज

काठमाडौं । नेपाली कांग्रेसकी नेतृ तथा साझा गठबन्धनबाट काठमाडौं महानगरको मेयरको उम्मेदवार बनेकी सिर्जना सिंहले काठमाडौंको मेयर बालेन साह र उपमेयर सुनिता डंगोललाई बधाई दिएकी छन् ।

यहि बैशाख ३० गते सम्पन्न स्थानीय तह निर्वाचनको बिहीबार राति सार्वजनिक भएको अन्तिम मत परिणाम अनुसार काठमाडौं महानगरको मेयरमा निर्वाचित बालेन साह, उपमेयर सुनिता डंगोल तथा महानगरका निर्वाचित जनप्रतिनिधिलाई बधाई दिएकी छन् । सिंहले महानगरवासिको भावना बमोजिम कार्य गर्न पूर्ण कार्यकालभरी आफ्नो रचनात्मक सहयोग र साथ रहने प्रतिबद्धता समेत व्यक्त गरेकी छन् ।

‘काठमाडौ महानगर प्रमुखमा निर्वाचित श्री बालेन्द्र साहलाई हार्दिक बधाई ज्ञापन गर्दै सफल कार्यकालका लागि शुभकामना व्यक्त गर्दछु साथै उपप्रमुख, वडाध्यक्ष र सदस्यमा निर्वाचित सबै आदरणीय व्यक्तित्वमा बधाई ज्ञापन गर्दै महानगरवासिको भावना बमोजिम कार्य गर्न पुर्ण कार्यकाल भरी मेरो रचनात्मक सहयोग र साथ रहने प्रतिबद्धता समेत व्यक्त गर्दछु ।’ सिंहले भनेकी छन् ।

सत्तारुढ गठबन्धनबाट मेयरको साझा उम्मेदवार बनेकी नेपाली कांग्रेसकी नेतृ सिर्जना सिंहले ३८ हजार ३४१ मत प्राप्त गरेकी थिइन् ।