हामी सबैकाे संसारन्यूज

शोभाराम ओली, रोल्पा

१
एउटा आकृति मनले देख्दै आएको छ
रमाउँछु कल्पनामै जन्मिन्छन् शब्दका लहाराहरु
दिमागले सोच्छ हातले लेख्दै आएको छ

२
तिम्रो मुस्कान हेर्छु अनि लजाउँछु
आवाज तिम्रो कोइली जस्तो चाल नागिनको
गहिरो श्वास फेर्छु अनि लजाउँछु

३
पहिले हेर्दा संसारमा छाउने किरण जस्तो
बोली मिठो, माया मिठो व्यवहार बहुत कडा रहेछ
बादलको लहर चिर्दै आउने किरण जस्तो

४
कालो रोगन थेप्चो नाक चिम्सा आँखा तिम्रो
मेरो पागल मन, मुटुलाई सँधैभरि चुँडाएर लाने
मधुर रै’छ बोली कोइली जस्तो भाखा तिम्रो

५
कसले सोच्छु बाध्यताको डोको भित्र के छ
कहिले हाँस्छु, कहिले रुन्छु, एक्लै म बर्बराउँछु
आफैंलाई नै थाहा छैन पोको भित्र के छ