हामी सबैकाे संसारन्यूज

काठमाडौं । नेकपा (माओवादी केन्द्र) का वरिष्ठ नेता नारायणकाजी श्रेष्ठले लोकतन्त्रलाई बलियो र सार्थक बनाउन पार्टी र नेताहरु बदलिनुपर्ने बताएका छन् ।

गणतन्त्र दिवसका अवसरमा शुभकामना दिँदै नेता श्रेष्ठले गणतन्त्र भनेको परम्परागत राजतन्त्रको अन्त्य मात्र नभएर लोकतन्त्र पनि हो भन्ने सबैले ख्याल गर्नुपर्ने बताएका छन् ।

‘गणतन्त्र स्थापना गरेर ठीक गरेका हौं । तर यो पनि ख्याल गर्नुपर्ने हुन्छ कि गणतन्त्र भनेको परम्परागत राजतन्त्रको अन्त्य मात्र होइन, यो त लोकतन्त्र हो, ’वरिष्ठ नेता श्रेष्ठले सामाजिक संजालमा भनेका छन्, ‘यसलाइ सार्थक बनाउन हामी नेता र पार्टीहरु बदलिनु पर्छ । मुख्य कुरा हो, आफ्नो नीजि वा पार्टीगत स्वार्थको लागि बिदेशी शक्तिको सेवा गरेर वा उनीहरुको योजना अनुसार काम गरेर राष्ट्रघात गर्ने प्रवृतिको अन्त्य गरिनु पर्छ ।