हामी सबैकाे संसारन्यूज

काठमाडौं । सरकारले किसान पेन्सन योजनाको घोषणा गरेको छ । आगामी आर्थिक वर्ष २०७९/८० को बजेट प्रस्तुत गर्दै अर्थमन्त्री जनार्दन शर्माले किसान हुनुमा आत्मसम्मान र गौरव वृद्धि गर्न यस्तो कार्यक्रमको घोषणा गरिएको बताए ।

पेन्सन योजना योगदानमा आधारित हुने उनले बताएका छन् । उक्त कोषमा हरेक महिना किसानले जम्मा गर्ने रकमको १० प्रतिशत सरकारले जम्मा गरिदिने व्यवस्था मिलाइने उल्लेख छ ।

कोष स्थापना गर्न प्रारम्भवमा बिऊ पूँजीबाफत् एक अर्ब रुपैयाँ छुट्याइएको छ । किसान परिचयपत्रको आधारमा किसानहरुलाई सार्वजनिक सेवामा सहुलियत तथा छुटको समेत व्यवस्था गरिने अर्थमन्त्री शर्माले बताए ।