हामी सबैकाे संसारन्यूज

काठमाडौं । नेपालको सबैभन्दा ठ्रलो संचार सेवा प्रदायक संस्था नेपाल टेलिकमको संचालकका लागि ११ जना उम्मेदवारहरुले मनोनयन दर्ता गराएका छन् ।

नेपाल टेलिकम कर्मचारी प्रतिनिधि संचालक पदको उम्मेदवार मनोनयनका सिलसिलामा यादव पनेरु, रंजित लोहिया, शंकर लामिछाने, वीरेन्द्रलाल जोशी, नारायण अधिकारी, ब्रजेश शर्मा, मधुसुधन दाहाल, सुनिल मिश्र, सुवास साह, विवेक दाहाल र भावेश कर्ण लगायतले उम्मेदवारी दर्ता गरेका छन् ।

वाम लोकतान्त्रिक गठबन्धनको पक्षधर र प्रतिगमनको विरुद्धमा जुझ्दै आएका शंकर लामिछानेले तेस्रो नं मा उम्मेदवारी दर्ता गरेका छन् । एमाले निकट एनटीनको नेतृत्वमा रहेका यादव पनेरुले सो धारबाट उम्मेदवारी दिएका हुन् भने कुनैबेला नेपाल राष्ट्रिय कर्मचारी संगठनको निर्वाचित अध्यक्ष भैसकेका सुनिल मिश्रले पनि उम्मेदवारी दर्ता गराएका छन् ।

माओवादी निकट कर्मचारीहरुले आधिकारीक रुपमा आफ्नो उम्मेदवारी नदिएकाले गठबन्धनको पक्षधर भनिएका लामिछानेसँग सहमति हुने प्रचार गरिएको छ । टेलिकम कर्मचारी भीम अधिकारीका अनुसार लामिछानेको विजय लगभग सुनिश्चित भएको छ ।