Sansar News
काठमाडौं । पूर्वसांसद तथा दलित आन्दोलनका अगुवा मनबहादुर बिश्वकर्माको स्मरणमा एक अध्ययन संस्था गठन गरिएको छ ।
दलित आन्दोलनका अभियन्ता लालबहादुर विश्वकर्माको अध्यक्षतामा ११ सदस्यीय मनबहादुर विश्वकर्मा अध्ययन संस्थाको गठन भएको बाम नेता यम बिकले जानकारी दिएका छन् ।
लाल बहादुर बिक अध्यक्ष रहेको उक्त संस्थामा उपाध्यक्ष विनकुमार विश्वकर्मा, सचिव, कृष्ण विश्वकर्मा, कोषाध्यक्ष प्रतिभा विश्वकर्मा तथा सदस्यहरुमा यम विश्वकर्मा, मिठाराम विश्वकर्मा, प्रेम विश्वकर्मा, ईश्वर पौडेल, विक्रम लोहनी, गोपाल लोहनी र युक्त विश्वकर्मा रहेका छन् ।
स्मरण कार्यक्रमको आयोजना
यसैबिच प्राप्त समाचार अनुसार बिभेदमुक्ति प्रगतिशिल समाजले एक कार्यक्रमको आयोजना गरी स्व मनहादुर बिश्वकर्माको स्मरण कार्यक्रम सम्पन्न गरेको छ ।
नेकपा मालेको केन्द्रिय कार्यालयमा आयोजित सो कार्यक्रममा प्रमुख अतिथि सीपी मैनाली, बिशिष्ट अतिथी संबिधानसभा सदस्य मिठाराम बिश्वकर्मा, अष्ट ज अभियानका महासचिव निलकण्ठ तिवारी, प्रा डा प्रेम शर्मा, यम बिश्वकर्मा, प्रेम बिश्वकर्मा लगायतका बक्ताहरुले उनको पारिवारीक जीवनी र संघर्षका गाथा, दलित आन्दोलनमा उनको बिशिष्ट पहिचान, बिकास निर्माण र शैक्षिक क्षेत्रमा उनको योगदान, राजनैतिक सभ्यता र समन्वयको कौशलता आदी बारेमा प्रष्ट पारेका थिए । उनको योगदानलाई स्मरण गर्न संस्थागत प्रयासको आवश्यकता बोध गरी उपरोक्त प्रस्ताव भएको थियो ।
वि.सं.२०७९ जेठ १९ बिहीवार १२:४९ मा प्रकाशित
