हामी सबैकाे संसारन्यूज

काठमाडौं । रुस–युक्रेनबीचको युद्ध सय दिन पुग्दैछ । युद्ध सय दिन पुग्दै गर्दा पनि निष्कर्ष उन्मुख छैन । यसबीच, रुसलाई आर्थिक मोर्चामा घेराउन पश्चिमी देशहरूले प्रतिबन्धहरू कडा पार्दैछन्। तर, रुसले पनि नयाँ मिसाइल परीक्षण गरेर आफ्नो सैन्य शक्ति निरन्तर बढाउँदै आएको छ ।

अब रुसले आफ्नो नयाँ हाइपरसोनिक जिरकोन क्रुज मिसाइलको परीक्षण पूरा गरेको छ । रुसी राष्ट्रपति भ्लादिमिर पुटिनले जिरकोनलाई नयाँ पुस्ताको अनौठो सशस्त्र प्रणालीको रुपमा व्याख्या गरेका छन् । यो मिसाइल आवाजको गतिभन्दा ९ गुणा तेज छ । बताइएअनुसार जिरकोन क्रुज मिसाइल १ हजार किलोमिटर टाढाको लक्ष्यमा हान्न सक्छ ।

गत महिना अन्तरमहादेशीय ब्यालेस्टिक मिसाइल सरमतको सफल परीक्षण गरिएको थियो । एक महिनाअघि रुसले सरमत नामको इन्टरकन्टिनेन्टल ब्यालेस्टिक मिसाइलको सफल परीक्षण गरेको थियो ।

यी मिसाइलहरूले आणविक हतियार पनि बोक्न सक्छन्। यस मिसाइलमा १० वा सोभन्दा बढी वारहेडहरू राख्न सकिन्छ।

यसबाहेक ‘किञ्जल’ हाइपरसोनिक मिसाइलको मार्च महिनामा सफल परीक्षण गरिएको थियो । किन्जोल एक रुसी शब्द हो जसको अर्थ खंजर हो। पुटिनले यस क्षेप्यास्त्रलाई ‘आदर्श हतियार’ भनेका छन्, किनभने १५०० देखि २००० किलोमिटरसम्मको यो मिसाइलले परमाणु बम पनि खसाल्न सक्छ।

यो मिसाइल पहिलो पटक २०१८ मा परीक्षण गरिएको थियो। केन्जोल मिसाइलले ध्वनीभन्दा १० गुणा गतिमा यात्रा गर्छ र ३ किलोमिटर प्रति सेकेन्डको गतिमा आक्रमण गर्न सक्षम छ । एजेन्सीबाट

सम्बन्धित समाचार

थप चर्किने भयो रुस–यूक्रेन युद्ध : युक्रेनलाई ठूला हतियार दिने अमेरिका र जर्मनको घोषणा