हामी सबैकाे संसारन्यूज

युके । चलचित्र कबड्डीकी नायिका तथा एनआरएनए युकेकी पंजिकृत सदस्य मेरिना मगरमाथि भएको दुव्र्यवहारप्रति एनआरएनए युकेले आपत्ति जनाएको छ ।

संघले  कबड्डी ४ को प्रदर्शनका क्रममा सिभिल मलको हलमा पुगेकी अभिनेत्री मिरुना मगरमाथि भएको अभद्र व्यवहारको घटनामा जोडिएकालाई माफी दिइसकेपछि पनि मिरुनाविरुद्ध सामाजिक संजाल लगायतका माध्यमबाट भैरहेका टिका टिप्पणी र आक्रमणप्रति संघले खेद प्रकट गरेको हो ।

‘गैरआवासीय नेपाली संघ युकेका प्रत्येक सदस्यहरुविरुद्ध कार्यक्षेत्रमा हुने दुव्र्यवहारमा हाम्रो सरोकारको विषय हो भने विदेशबाट ज्ञान सीप लिएर फर्केका नेपालीहरुको सम्मान र सुरक्षा गैरआवासीय नेपाली समुदायको साझा चासोको विषय हो ।’ संघका अध्यक्ष प्रेम मगरद्धारा जारी बिज्ञप्तिमा भनिएको छ ।

मिरुना लगायत विदेशबाट नेपालमा गएर नेपाली कला क्षेत्रमा योगदान दिइरहेका सबै कलाकारहरुको सम्मान र सुरक्षाको व्यवस्था गर्न नेपाल सरकारसँग माग गर्दै उक्त घटनालाई लिएर कुनैपनि समुदाय वा धार्मिक समुदायबीच मतभेद बढाउने खालका गतिबिध नर्गन समेत संघले आग्रह गरेको छ ।