Sansar News
काठमाडौँ । काठमाडौंमा रहेको प्रतिष्ठित शिक्षण संस्था तक्षशिला एकेडेमीको प्रिन्सीपलमा नेत्र न्यौपाने नियुक्त भएका छन् ।
पर्वतको वहाकी तलातुममा जन्मेर करीव ३० बर्षदेखी शैक्षिक क्षेत्रमा लागेका न्यौपाने तक्षशिलाको प्रिन्सीपलमा नियुक्त भएका हुन् ।
शैक्षिक यात्राका क्रममा उनी कुशल शिक्षक, सफल व्यवस्थापक तथा जनमैत्री अभियन्ताको रुपले परीचित छन् । लामो समय लुनार एकेडेमीको प्रिन्सीपल, सहकारीको अध्यक्ष र दर्जनौ सामाजिक संस्थाहरुमा नेतृत्व गरेका न्यौपाने अधिवक्ता समेत हुन् ।
बालुवाटारमा २०५४ मा स्थापित तक्षशिला एकेडेमी २०६९ देखि सामखुसीमा संचालित छ ।
विद्यार्थीलाई निर्धारित पाठ्यक्रम पढाउनुको अलावा यसले राष्ट्रिय महत्वको बिषयमा पनि काम गरेको पाइन्छ । शान्ति प्रक्रिया असहज देखिएका बेला यो एकेडेमीले राजनीतिक पार्टीका उच्च नेतृत्वलाई एउटै मन्चमा ल्याई शान्ति प्रक्रियालाई निस्कर्षमा पुर्याउन समेत योगदान पुर्याएको थियो ।
‘ऐतिहासीक पृष्ठभुमि, संस्थाको गरीमा, र राष्ट्रको आवश्यकतालाई हृदयंगम गरी तक्षशिलाको शैक्षिक उत्तरदायित्व पूरा गर्नेछु’ नवनियुक्त प्रिन्सिपलले संसारन्यूजलाई भने ।
वि.सं.२०७९ जेठ २४ मंगलवार ०८:३२ मा प्रकाशित
