हामी सबैकाे संसारन्यूज

काठमाडौं । लामो समयसम्म नउठेको काठमाडौंको फोहर मंगलबारदेखि उठाउन सुरु गरेपनि स्थानीयवासीको अवरोधका कारण फोहोर बोकेर बन्चरे डाँडा पुगेका ट्रक बाटोमै रोकिएका छन् ।

सोमबार फोहोर व्यवस्थापन गर्ने विषयमा स्थानीयवासी, काठमाडौं महानगर, सहरी विकास मन्त्रालय, नुवाकोटको ककनी, धादिङको धुनिवेशीलगायत स्थानीय तहका जनप्रतिनिधिबीच सहमति भएपनि मंगलबार स्थानीयले उक्त सहमति नमान्ने भन्दै फोहोर बोकेर गएको गाडीलाई बाटोमै रोकेका हुन् ।

सहरी विकास मन्त्रालयमा सोमबार बसेको सरोकारवालाहरुको बैठकले स्थानीयको माग सम्बोधन गर्ने गरी फोहोर मैला व्यवस्थापन गर्ने सहमति भएपनि स्थानीयवासीले आफुहरुसँग कुनै सहमति नभएको भन्दै आज बिहान धुनिवेशीमा ट्रक रोकेर फोहोर फाल्न अवरोध गरेका हुन् ।