Sansar News
काठमाडौं । नेपालस्थित भारतीय दूतावासले नेपालमा रहेका आफ्ना नागरिकलाई अनिवार्य रुपमा दूतावासको कार्यालयमा आफ्नो विवरण दर्ता गराउन अनुरोध गरेको छ ।
काठमाडौंको लैनचौरमा रहेको भारतीय दूतावासले नेपालमा कार्यरत, अध्ययनरत लगायतका विभिन्न संघ संस्था तथा क्षेत्रमा कार्यरत आफ्ना नागरिकलाई दूतावासको अनलाइनमा गएर आफ्नो विवरण दर्ता गराउन अनुरोध गरेको हो ।
दूतावासद्धारा जारी सूचना अनुसार भारतीय नागरिकका लागि कुटनीतिक सुविधा पाउनका लागि अनिवार्यरुपमा आफ्नो नाम दर्ता गराउन अनुरोध गरिएको हो ।
दूतावासका अनुसार अनलाइन अपोइन्टमेन्ट बुक गरेर आफ्नो नाम दर्ता गराउन सकिनेछ । दर्ताका लागि भारतीय नागरिक भएको पुष्टि हुने प्रमाण (पासपोर्ट वा भोटर आइडी कार्ड) जागिर÷ विद्यार्थी आदिका लागि आफू कार्यरत संस्थाको पत्र, नेपालमा रहँदै आएको ठेगानाको प्रमाण, पासर्पोट साइजको दुईवटा फोटो अनिवार्य चाहिने पनि दूतावासद्धारा जारी सूचनामा उल्लेखछ ।
वि.सं.२०७९ जेठ २५ बुधवार ०८:०८ मा प्रकाशित
