Sansar News
काठमाडौं । अर्थमन्त्री जनार्दन शर्मा ‘प्रभाकर’ले नेपाल सरकारका धितोपत्रलगायत अन्य वित्तीय क्षेत्रका नियमक निकायलाई जवाफदेहिताको साथ कार्य गर्न आग्रह गरेका छन् । नेपाल धितोपत्र बोर्डको ३०औं वार्षिकोत्सवको अवसरमा आयोजित कार्यक्रमलाई सम्बोधन गर्दै अर्थमन्त्री शर्माले यस्तो आग्रह गरेका हुन् ।
अर्थमन्त्री शर्माले धितोपत्र बोडको समस्या समाधान गर्न नेपालको पुँजी बजारलाई अन्तर्राष्ट्रिय स्तरको प्रविधिमैत्री आधुनिक प्रविधि बनाउनु पर्ने बताए ।
उनले भने, “धितोपत्र बोर्डको आजको समस्या समाधानका लागि नेपालको आजको पुँजी बजारलाई अन्तर्राष्ट्रिय स्तरको प्रविधिमैत्री बनाउनु पर्ने आवश्यकता छ ।”
अर्थमन्त्री शर्माले आफु अर्थ मन्त्रालय आए देखिनै धितोपत्र बजारलाई सुधार गर्ने विषयलाई उठान गरेको बताए । उनले धितोपत्र बजारमा भएका समस्यालाई पहिचान गरी समाधान गरिएकोसमेत बताए ।
वि.सं.२०७९ जेठ २५ बुधवार १५:५७ मा प्रकाशित
