हामी सबैकाे संसारन्यूज

काठमाडौं । काठमाडौंमा कोठा भाडामा लिएर बसिरहेका विद्यार्थीलाई निस्शुल्क विद्युतीय चुलो वितरण गरिने भएको छ । आदिबासी, दलित, जनजाति र लोपोन्मुख समुदायका विद्यार्थीलाई निस्शुल्क विद्युतीय चुलो (इन्डक्सन) बाँड्नका लागि भन्दै वैकल्पिक ऊर्जा प्रवर्द्धन केन्द्रले आवेदन माग गरेको छ ।

केन्द्रका अनुसार सरकारी र सामुदायिक शिक्षण संस्थामा विश्वविद्यालय तहमा अध्ययनरत ती समुदायका विद्यार्थीले असार ९ गतेभित्र निवेदन दिन सक्नेछन् ।

आवेदन भर्नको लागि नागरिकताको प्रतिलिपि, शिक्षण संस्थाको सिफारिस तथा विद्यार्थी परिचयपत्र प्रतिलिपि र लोपोन्मुख आदिवासी, जनजाति तथा दलित वर्ग भएको खुल्ने परिचयपत्रको प्रतिलिपि पेस गर्नुपर्ने हुन्छ।

यसरी दिन सकिन्छ आवेदन

अनलाइन आवेदन दिन वैकल्पिक उर्जा प्रवद्र्धन केन्द्रको वेभसाइटमा https://aepc.gov.np मा गएर अनलाइन फर्म भर्न सकिनेछ । केन्द्रले जारी गरेको सूचनाअनुसार यस लिंकबाट फर्म बुझाउन सकिनेछ ।