Sansar News
काठमाडौं । पछिल्लो २४ घण्टामा नेपालमा १९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ३ हजार ४५३ नमुना परीक्षणमा १९ जनामा कोरोना संक्रमण पुष्टि भएको छ ।
त्यसैगरी सोहि अवधिमा १२ जना संक्रमण मुक्त भएका छन् । आज निको भएका १२ जनासँगै नेपालमा हालसम्म ९ लाख ६७ हजार २०४ जना संक्रमण मुक्त भएका छन् ।
नेपालमा हाल १०६ जना कोरोनाका सक्रिय संक्रमित रहेका छन् । उनीहरु मध्ये १०५ जना होम आइसोलेसनमा रहेका छन् भने १ जना संस्थागत आइसोलेसनमा रहेका छन् । साथै आइसीयु र भेन्टिलेटरमा उपचार गराउनेको संख्या शून्य रहेको छ ।
त्यसैगरी नेपालमा हालसम्म कोरोनाबाट ११ हजार ९५२ जनाको ज्यान गएको मन्त्रालयद्धारा जारी सूचनामा उल्लेख छ ।
वि.सं.२०७९ जेठ २९ आइतवार १७:१४ मा प्रकाशित
