हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) ले समाजसेवी महाविर पुनको राष्ट्रिय आविस्कार केन्द्रलाई झण्डै १३ लाख रुपैयाँ आर्थिक सहयोग गरेको छ ।

एनआरएनएको सचिवालयमा आयोजित हस्तान्तरण कार्यक्रममा संस्थाले १२ लाख ८७ हजार ५८० रुपैयाँ ४८ पैसा (बाह्र लाख सतासी हजार पाँचसय असी रुपैयाँ अड्चालिस पैसा) को चेक डा. महाविर पुनलाई हस्तान्तण गरिएको हो ।

उक्त हस्तान्तरण कार्यक्रममा गैरआवसीय नेपाली संघका कार्यकारी अध्यक्ष कुल आचार्यले राष्ट्रिय आविष्कार केन्द्रका संस्थापक अध्यक्ष डा. महावीर पुनलाई हस्तान्तण गरेका थिए ।

संघका उपाध्यक्ष महेश कुमार श्रेष्ठले स्वागत मन्तव्य राख्दै विश्वभरका नेपालीहरुले राष्ट्रिय आविष्कार केन्द्रलाई सहयोग गरिरहेको जानकारी गराए ।

त्यस्तै डा. महावीर पुनले संघले राष्ट्रिय आविष्कार केन्द्रलाई सहयोग गरेकोमा आभार प्रकट गर्दै विदेशबाट ९२ देखि ९४ प्रतिशत सामान नेपालमा आयात हुँदा धेरै रकम विदेशमा नै जाने भएकोले त्यसको ५ प्रतिशत मात्र नेपालमा उत्पादन गर्न सके देशको व्यापार घाटा कम हुने, देशको राजस्व वृद्धि हुने र रोजगारीको सृजना हुने बताए ।

राष्ट्रिय आविष्कार केन्द्र कुनै एक क्षेत्रमा मात्र नभई पालिका, प्रदेशमा खोलिनु पर्नेमा उनले जोड दिए । पुनले गैरआवासीय नेपाली संघले पनि आविस्कार केन्द्रको स्थापना गरी नयाँ प्रतिभावान व्यक्तिहरूलाई प्लाटफर्म दिन सक्न बताए ।

कार्यक्रमको अन्त्यमा संघका कार्यकारी अध्यक्ष कुल आचार्यले विभिन्न अभियन्ताबाट प्रतिबद्धता गरिएको रकम मध्ये संघको खातामा जम्मा भएको रकम हस्तान्तरण गर्न पाउँदा खुशी लागेको बताए ।

अध्यक्ष आर्चायले विदेशमा सिकेको ज्ञान, सीप र लागानी नेपालमा हस्तान्तण गर्न राष्ट्रिय आविष्कार केन्द्र जस्ता ठाउँहरू उपयुक्त रहेको भन्दै संघले पवित्र मन बोकेको राष्ट्रिय आविष्कार केन्द्रलाई हरदम सहयोग गर्न तयार रहेको बताए ।
गैरआवासीय नेपाली संघ युरोपका क्षेत्रीय संयोजक चिन्तामणी सापकोटाको संचालन रहेको उक्त कार्यक्रममा विभिन्न मुलुकबाट आएका आइसिसि तथा एनसिसिका प्रतिनिधिहरु, गैरआवासीय नेपालीहरु लगायत संचारकर्मीहरुको सहभागीता रहेको थियो ।