Sansar News
डा. ठाकुर मोहन श्रेष्ठ
बुढानिलकण्ठ, काठमाडौँ
बसेँ मौन भन्दैमा, छ ढुङ्गो नभन्नू
गुन्दै छु यो मनमा, लफुङ्गो नभन्नू
श्रद्धा भक्ति जुटाई, यो पूजा लगाएँ
चढाँयौँ बेस्वादको, अपुङ्गो नभन्नू
गाथा गाए बुङ्गोले, बैराको बारेमा
चल्दैछ चाला यस्तै, हो टुङ्गो नभन्नू
मर्दैन देशभक्ति, देह मरे मरोस्
भारी छ कर्तव्यको, गरुङ्गो नभन्नू
व्यायाम गर्नु सधैँ, स्वस्थ हुन्छ तन
हराए मन योगा, धतुङ्गो नभन्नू ।
अक्षर सङ्ख्या : १३ (७+६)
अनुप्रास : उङ्गो
अन्त्यानुप्रास : नभन्नू
अभ्यास : नेपाली साहित्यकार पाठशाला
वि.सं.२०८२ माघ ३ शनिवार ०७:५६ मा प्रकाशित
